മലബാറിന്റെ രുചിയറിയാന്‍ ഫുഡ് ഓഫ മലബാര്‍

ബോംബെ ഹോട്ടലിലെ ചിക്കന്‍ ബിരിയാണി, പാരഗണിലെ ബീഫ് ബിരിയാണി, കോഴിക്കോടന്‍ ഹല്‍വ, കാലിക്കറ്റ് കിച്ചണിലെ കോഴി നിറച്ചത്, അമ്മ ഫിഷ് കറി ഇവയെല്ലാംകേള്‍ക്കും ഏതൊരാളുടെയും നാവില്‍ വെള്ളം നിറയുമെന്ന് തീര്‍ച്ച. ഭക്ഷണപ്രിയനാണെങ്കില്‍ കാര്യം പറയുകയും വേണ്ട.

ഭക്ഷപ്പെരുമയുടെ കാര്യത്തില്‍ മലബാര്‍ പ്രത്യേകിച്ചും കോഴിക്കോടിന്റെയും കണ്ണൂരിന്റെയും പേരും പെരുമയും ഒന്നുവേറെത്തന്നെയാണ്. പല ലോകപ്രശസ്തരും കോഴിക്കോട് വരുമ്പോള്‍ ഇവിടത്തെ നാടന്‍ ഭക്ഷണങ്ങള്‍ പ്രത്യേകമായി വാങ്ങിക്കഴിക്കുന്നതും ഈ പെരുമകൊണ്ടുതന്നെയാണ്.

ചിക്കന്‍ ശര്‍ക്ക, ഗോതമ്പ് പൊറാട്ട, നെയ്‌ച്ചോറ്്, ചിക്കന്‍ സൂപ്പ്, നാടന്‍ വിഭവങ്ങളായ

പത്തല്‍ ഇറച്ചിക്കറി, മീന്‍ മുട്ട ഫ്രൈ, പുട്ടും മട്ടന്‍ ചാപ്‌സും, തരി കാച്ചിയത്, തലശ്ശേരി ബരിയാണി, കപ്പ ബോട്ടി തുടങ്ങിയ മലബാറിന്റെതായ ഒട്ടനവധി വിഭവങ്ങളുടെ പേരുകള്‍ നമ്മള്‍ പലപ്പോഴായി കേട്ടിട്ടുണ്ടാവും. എന്നാല്‍ ഇവയെല്ലാം രുചിച്ചു നോക്കാന്‍ എല്ലാവര്‍ക്കും സാധിക്കണമെന്നില്ല. കാരണം പലപ്പോഴും ഇത് എവിടെ കിട്ടുമെന്ന് അറിയാത്തതുകൊണ്ടുതന്നെയാണ്. മലബാറിന് പുറത്തുനിന്ന് വരുന്നവര്‍ക്കാണ് ഈ ബുദ്ധിമുട്ട് ഏറെയുള്ളത്.

മലബാറിന്റെ ഈ രുചിപ്പെരുമയെ ലോകത്തിന് മുമ്പില്‍ പരിചയപ്പെടുത്തുന്ന ഒരു സ്‌പെഷ്യല്‍ വെബ്‌സൈറ്റാണ് foodofmalabar.com പേരുപോലെത്തന്നെ മലപ്പുറം, കോഴിക്കോട്, കണ്ണൂര്‍ എന്നീ മലബാര്‍ ഏരിയയിലെ പ്രശസ്തമായ ഭക്ഷണവിഭവങ്ങളാണ് ഈ സൈറ്റ് നിങ്ങള്‍ക്ക് മുമ്പില്‍ പരിചയപ്പെടുത്തുന്നത്.

പതിവ് കുക്കറി വെബ്‌സൈറ്റുകളില്‍ വിഭവം എങ്ങിനെ ഉണ്ടാക്കണമെന്ന് പഠിപ്പിക്കുമ്പോള്‍ അതില്‍ നിന്നും വിത്യസ്തമായി ഓരോ ഭക്ഷണ വിഭവങ്ങളും എവിടെ കിട്ടുമെന്ന വിവരം നല്‍കിക്കൊണ്ടാണ് ഈസൈറ്റ് വിത്യസ്തമാവുന്നത്. വിഭവങ്ങളുടെ പേരും അവയുടെ മനോഹര ചിത്രങ്ങളും അടങ്ങിയ വെബ്‌സൈറ്റ് ഇവ ഓരോന്നും ഏതൊക്കെ സ്ഥലങ്ങളില്‍ ലഭ്യമാവും എന്നും ഗൂഗിള്‍ മാപ്പിന്റെ സഹായത്തോടെ കാണിച്ചുതരുന്നു. ഏതു സ്ഥലത്താണ് ഹോട്ടല്‍ നില്‍ക്കുന്നതെന്നും അവയിലേക്കെത്താനുള്ള വഴികളും സൈറ്റില്‍

നിന്ന് വ്യക്തമായി മനസ്സിലാക്കാം.

ബോംബെ ഹോട്ടലിലെ ചിക്കന്‍ ബിരിയാണി, കാലിക്കറ്റ് കിച്ചണിലെ കോഴി നിറച്ചത്, അമ്മ ഫിഷ് കറി തുടങ്ങി ചില ഹോട്ടലുകള്‍ അല്ലെങ്കില്‍ തട്ടുകടകള്‍ ചില വിഭവങ്ങളുടെ കാര്യത്തില്‍ പ്രശസ്തമായിരിക്കും. അത്തരം വിഭവങ്ങളുടെ കാര്യത്തില്‍ ആ വിഭവം തയ്യാറാക്കുന്നതില്‍ പ്രശസ്തമായ സ്ഥലമാണ് നിങ്ങള്‍ക്കായി നിര്‍ദ്ദേശിക്കുന്നത്. അതുപോലെ ആ ഹോട്ടലില്‍ ഉണ്ടാക്കുന്ന മറ്റു പ്രശസ്തമായ വിഭവങ്ങളെപ്പറ്റിയും സൈറ്റ് വിവരണം നല്‍കുന്നു. കൂടാതെ ഭക്ഷണത്തെപ്പറ്റിയുള്ള ചെറുവിവരണവും. ഒരു വിഭവത്തിന്റെ കാര്യത്തില്‍ ഒന്നിലധികം ഹോട്ടലുകള്‍ പ്രശസ്തരാണെങ്കില്‍ അവയുടെയെല്ലാം പേരുകളും സൈറ്റില്‍ ലഭ്യമാണ്.

ഇനി ഇഷ്ടപ്പെട്ട ഭക്ഷണം എവിടെ കിട്ടുമെന്നോര്‍ത്ത് വിഷമിക്കണ്ട...

വെബ്‌സൈറ്റ് വിളിക്കൂ.. വണ്ടിയെടുക്കൂ... കുതിക്കൂ... കഴിക്കൂ...

Shree

Continue reading →

എളുപ്പത്തില്‍ ടൈപ്പിങ് പഠിക്കാന്‍ keybr

കമ്പ്യൂട്ടര്‍ ഉപയോഗിക്കാത്തവര്‍ ഇന്ന് വളരെ കുറവാണ്. ഇന്റര്‍നെറ്റില്‍ ബ്രൗസ് ചെയ്യാനാണ് പുതിയ തലമുറയിലുള്ളവര്‍ കൂടുതലും കമ്പ്യൂട്ടര്‍ അല്ലെങ്കില്‍ ലാപ്‌ടോപ്പ് ഉപയോഗിക്കുന്നത്.

ഏതു രീതിയിലാണെങ്കിലും കമ്പ്യൂട്ടര്‍ പുതുതായി ഉപയോഗിക്കുന്നവരെ കുഴക്കുന്ന ഒരു പ്രധാന പ്രശ്‌നം ടൈപ്പിങ് തന്നെയാണ്. ചൂണ്ടുവിരലുകള്‍ മാത്രം ഉപയോഗിച്ച് അക്ഷരങ്ങള്‍ തപ്പിപ്പിടിച്ച്

എന്നാല്‍ എന്തിനും ഏതിനും ഇന്റര്‍നെറ്റുള്ള ഈ കാലത്ത് സൗജന്യമായി ഓണ്‍ലൈനായി ടൈപ്പിങ് പഠിപ്പിക്കുന്ന വെബ്‌സൈറ്റാണ് keybr.com. സോഫ്റ്റ്‌വെയര്‍ ആവശ്യമില്ലാതെ പൂര്‍ണമായും ഓണ്‍ലൈനായി തന്നെ ടൈപ്പിങ് പരിശീലനം ഈ സൈറ്റ് നല്‍കുന്നു.ടൈപ്പ് ചെയ്യുന്നത് ബാങ്കുകളിലടക്കം ഇപ്പോഴും കാണാവുന്നതാണ്. വേഗത്തിലുള്ള ടൈപ്പിങ് എന്നത് ഇത്തരക്കാര്‍ക്ക് ഒരു വെല്ലുവിളി തന്നെയാണ്. ഇത്തരക്കാരെ സഹായിക്കാനായി പലതരം സോഫ്റ്റ്‌വെയറുകള്‍ ഇന്ന് ലഭ്യമാണ്. ഇതില്‍ പലതിനും പണം കൊടുക്കേണ്ടതുമുണ്ട്.

ഓരോ വിരലുകള്‍കൊണ്ടും ടൈപ്പ് ചെയ്യേണ്ട അക്ഷരങ്ങള്‍ ഏതെന്നും ടൈപ്പിങ്ങിനിടെ വരുന്ന തെറ്റുകള്‍ എത്രയെന്നും ടൈപ്പിങ് സ്്പീഡ് എത്രയെന്നുമൊക്കെ വെബ്‌സൈറ്റ് അപ്പപ്പോള്‍ തന്നെ നമുക്ക് വിവരം തരും.

മറ്റുള്ള ടൈപ്പിങ് സോഫ്റ്റ്‌വെയറുകളില്‍ നിന്നും വിത്യസ്തമായി ബോറടിപ്പിക്കുന്ന അക്ഷ

രക്കൂട്ടങ്ങളില്‍ നിന്നും മാറി എളുപ്പമുള്ള വാക്കുകള്‍ തന്നെ ടൈപ്പ് ചെയ്യാന്‍ തുടക്കത്തില്‍ത്തന്നെ നിര്‍ദ്ദേശിക്കുന്നുണ്ട്. കൂടാതെ ടൈപ്പിങ് എളുപ്പത്തിലാക്കാനാവശ്യമായ മറ്റു മാര്‍ഗ നിര്‍ദ്ദേശങ്ങളും സൈറ്റില്‍ വിവരിക്കുന്നുണ്ട്.

Continue reading →

മരുന്നുകളെക്കുറിച്ച് കൂടുതല്‍ അറിയാന്‍...medguideindia

നാം പലപ്പോഴായി കേള്‍ക്കുന്നതോ അല്ലെങ്കില്‍ സ്വയം തോന്നുന്നതോ ആയ സംശയമാണ് ചില ഡോക്ടര്‍മാര്‍ വിലകൂടിയ മരുന്നുകള്‍ എഴുതുന്നു എന്നത്. പലപ്പോഴും ഇത് സത്യമാവാറുമുണ്ട്.

അതുപോലെത്തന്നെ ചില മരുന്നുകള്‍ എന്തിനാണ് എന്നും അവയ്ക്ക് പകരമായി ഉപയോഗിക്കാവുന്ന വില കുറഞ്ഞതോ അല്ലെങ്കില്‍ മറ്റു കമ്പനികളുടെയോ മരുന്നുകള്‍ ഉണ്ടോ എന്നിങ്ങനെ ഒരു പാട് സംശയങ്ങള്‍ ഉണ്ടാവാറുണ്ട്. കാരണം ചില മരുന്നുകള്‍ ചില കടകളില്‍ മാത്രമേ ലഭി

ക്കുകയുള്ളൂ. അത് ചിലപ്പോള്‍ ദൂരെയുള്ള ഡോക്ടറുടെ വീടിനടുത്തുള്ള കടയിലാണെങ്കില്‍ അതിനായി അവിടേക്ക് പോവേണ്ടിവരും.

ഇത്തരം സന്ദര്‍ഭങ്ങളിലെല്ലാം ജനങ്ങളെ സഹായിക്കാനായി സര്‍ക്കാര്‍ സഹായത്തോടെ ആരംഭിച്ച വെബ്‌സൈറ്റാണ് http://medguideindia.com/. മരുന്നുകളുടെ വിവിധ ബ്രാന്‍ഡുകള്‍, അവയുടെ കമ്പനികള്‍, നിര്‍മാണം, വിപണനം, വില നിലവാരം എന്നിവയെക്കുറിച്ചെല്ലാം വെബ്‌സൈറ്റ് വിവരിക്കുന്നു. ഒരേ തരത്തിലുള്ള വിവിധ കമ്പനികളുടെ മരുന്നുകള്‍ അവയുടെ വില നിലവാരം എന്നിവയെക്കുറിച്ചെല്ലാമുള്ള അറിവുകള്‍ സൈറ്റ് നല്‍കുന്നുണ്ട്.

അതുകൂടാതെ നിരോധിച്ച മരുന്നുകള്‍ ഹെല്‍ത്ത് ഇന്‍ഷുറന്‍സ് എന്നിവയെക്കുറിച്ചെല്ലാം സൈറ്റില്‍ വിവരിക്കുന്നുണ്ട്.

മരുന്നുകളുടെ ഉപയോഗം വില മറ്റു ബ്രാന്‍ഡുകള്‍ എന്നിവയെക്കുറിച്ച് എസ്.എം.എസ് ആയി വിവരങ്ങള്‍ നല്‍കാനുള്ള സംവിധാനം വെബ്‌സൈറ്റിലുണ്ട്.

Continue reading →

ഓണ്‍ലൈന്‍ ചിത്രരചനാ പഠനത്തിന് hamtoons.com

നീന്തല്‍ വരെ തപാലിലും ഓണ്‍ലൈനിലും പഠിപ്പിച്ചുകൊണ്ടിരിക്കുന്ന ഈ കാലത്ത് ചിത്രംവര എന്തുകൊണ്ട് ഈ രീതിയില്‍ പഠിച്ചുകൂടാ. ചിത്രംവര പഠിക്കാനുള്ള പുസ്തകങ്ങള്‍ നേരത്തെ തന്നെ നമുക്ക് ലഭ്യമാണ്.

ചിത്രകലയില്‍ താത്പര്യമുള്ളവര്‍ക്ക് ചിത്രകല പഠിക്കുന്നതിന് മലയാളഭാഷയില്‍ ഒരുവെബ്‌സൈറ്റ് ആരംഭിച്ചിരിക്കുന്നു. ഹാംടൂണ്‍സ്.കോം(hamtoons.com) എന്നാണ് ഈ സൈറ്റിന്റെ പേര്.

ചിത്രകലയുടെ അടിസ്ഥാന സംഗതികള്‍ തുടങ്ങി തികച്ചും പ്രൊഫഷണലായി വരക്കാനുള്ള മാര്‍ഗങ്ങള്‍ വരെ ഈ പഠനത്തില്‍ ഉള്‍ക്കൊള്ളിച്ചിരിക്കുന്നു. വിവിധ തരത്തിലുള്ള ചിത്രരചനാ രീതികള്‍, വരക്കാ

നുപയോഗിക്കുന്ന ഉപകരണങ്ങള്‍, ചിത്രരചനയുടെ നിയമങ്ങള്‍, ലൈറ്റ് ആന്‍ഡ് ഷേഡ് വരകള്‍ തുടങ്ങിയവയെല്ലാം വിവരിക്കുന്നു.

ജലഛായം, ഓയില്‍ പെയിന്റിങ്, കാര്‍ട്ടൂണ്‍ എന്നീ വിഭാഗങ്ങളെപ്പറ്റിയും ഈ ഓണ്‍ലൈന്‍ സൈറ്റില്‍ വിവരിക്കുന്നുണ്ട്.

തുടക്കക്കാര്‍ക്കും ചിത്രകല പഠിച്ചവര്‍ക്കും ഒരുപോലെ ഉപകാരപ്രദമായ ഈ സൈറ്റില്‍ അംഗങ്ങളാവുന്നവര്‍ക്ക് വീഡിയോ ക്ലിപ്പുകള്‍ അടക്കമുള്ള സൗകര്യങ്ങള്‍ അധികമായി ലഭിക്കും.

ഇപ്പോള്‍ ചിത്രരചനയില്‍ മാത്രമാണ് പരിശീലനമെങ്കിലും ഭാവിയില്‍ ഗ്രാഫിക് ഡിസൈന്‍, വെബ്ഡിസൈന്‍, ഫഌഷ് ആനിമേഷന്‍ എന്നിവയിലും പരിശീലനം നല്‍കാന്‍ ഇവര്‍ക്ക് പരിപാടിയുണ്ട്.

Continue reading →

നിലവിലില്ലാത്ത ഇമെയില്‍ അഡ്രസുകള്‍ പരിശോധിക്കാന്‍ veryfy-email

നിങ്ങളുടെ ഒരു പഴയ സുഹൃത്തിന്റെ മൊബൈല്‍ നമ്പര്‍ തപ്പിപ്പിടിച്ച് വല്ല അത്യാവശ്യത്തിനും വിളിക്കുമ്പോള്‍ നമ്പര്‍ നിലവിലില്ല എന്ന അറിയിപ്പ് കേള്‍ക്കുന്നത് ഇന്ന് അസാധാരണമല്ല. ആള്‍ക്കാള്‍ ഇടക്കിടെ മൊബൈല്‍ നമ്പറുകള്‍ മാറ്റുന്നതാണ് ഇതിന് കാരണം. അതുപൊലെത്തന്നെയാണ് ഇമെയില്‍ അഡ്രസുകളുടെയും കാര്യം. ഇമെയില്‍ വിലാസം സീരിയസായി എടുക്കാത്ത പലരും തരംപോലെ പലവിലാസങ്ങള്‍ ഉണ്ടാക്കുന്നു. ആയതുകൊണ്ടുതന്നെ പല വിലാസങ്ങളും ഇപ്പോള്‍ നിലവിലില്ലാത്തതോ തുറക്കാതിരിക്കുന്നവയോ ആണ്. അതുപോലെത്തന്നെ ഒരു പ്രാവശ്യം അഡ്രസ് തെറ്റി നിങ്ങള്‍ അടിച്ചാലും ആ വിലാസം അഡ്രസ് ബുക്കില്‍ സെവ് ചെയ്യപ്പെടുന്നു. യഥാര്‍ത്ഥ ഇമെയില്‍ അഡ്രസി

ന്റെ കൂടെ ഈ തെറ്റായ അഡ്രസ് കൂടി കാണപ്പെടുന്നതിനാല്‍ പലപ്പോഴും ഇത് അറിയാതെ ഉപയോഗിക്കപ്പെടുകയും ചെയ്യും. മെയിലുകള്‍ തിരിച്ചുവരുമ്പോള്‍ മാത്രമാണ് ഈ കാര്യം നാം അറിയുന്നത്.

ഈ പ്രശ്‌നം പരിഹരിക്കാന്‍ നിങ്ങളുടെ ഇമെയില്‍ അഡ്രസ് ബുക്കിലുള്ള എല്ലാ വിലാസങ്ങളും ഇപ്പോഴും നിലവിലുള്ളതാണോ അല്ലയോ എന്ന് ഇപ്പോള്‍ വെബ്‌സൈറ്റിന്റെ സഹായത്തോടെ കണ്ടുപിടിക്കാം.

veryfy-email.org, www.verifyemailaddress.org എന്നീ വെബ്‌സൈറ്റുകള്‍ ഈ ആവശ്യത്തിനുള്ളതാണ്. വെബ്‌സൈറ്റിലെ വെരിഫൈ ബോക്‌സില്‍ ഇമെയില്‍ അഡ്രസ് നല്‍കിയാല്‍ ഇത് യഥാര്‍ത്ഥത്തിലുള്ളതാണോ എന്ന് നമുക്ക്് അറിയാന്‍ കഴിയും.

veryfy-email.org സൈറ്റില്‍ നിന്ന് പ്രത്യേക ആപ്ലിക്കേഷന്‍ ഡൗണ്‍ലോഡ് ചെയ്താല്‍ അഡ്രസ് ബുക്കിലെ മുഴുവന്‍ അഡ്രസുകളെയും ഇപ്രകാരം പരിശോധിക്കാന്‍ സാധിക്കും. വിന്‍ഡോസ് അഡ്രസ്സ് ബുക്ക് മൈക്രോസോഫ്റ്റ് ഔട്ട്‌ലുക്ക് തുടങ്ങിയവയുടെ അഡ്രസ് ബുക്കുകളും പരിശോധിക്കാനുള്ള സംവിധാനം ഉണ്ട്. അഡ്രസ് ബുക്കില്‍ നിന്ന് പ്രവര്‍ത്തനക്ഷമമല്ലാത്ത അഡ്രസുകള്‍ തനിയെ മാറ്റാനും പറ്റും.

എന്നാല്‍ ഇതൊരു സൗജന്യ ആപ്ലിക്കേഷനല്ല. എങ്കിലും ഒരു ട്രയല്‍ എന്ന നിലയ്ക്ക് കുറച്ചുദിവസങ്ങള്‍ സൗജന്യമായി ഉപയോഗിക്കാം. അതിന്‌ശേഷം പണം നല്‍കേണ്ടിവരും.

Continue reading →